Patriarca San Giuseppi a tia m`affidu,
a tia ca `mbarazza teni lu Bammuni,
ti supplicu e ti chiedu: 'paci e beni'
allevia si pò li nostri peni.

O santu ca divoti n`ha a migliara,
ni tutti li paisi e cca a Favara,
prigatu unni iè gghiè e straprigatu
si tu cu tuttu `u cori viniratu!

Cuncedi a li malati guarigioni
e frena a ccu cummetti atti vili,
li tinti porta a giusta cunfissioni
e guidali tra `i populi civili.

O partiarca, chissa è na prighiera
modesta, umilissima e sincera,
ta dicu `nginucchiuni a mezza vuci
facennumi lu signu di la cruci.

Lu sguardu to m`aiuta e mi cunforta,
mi duna lu curaggiu pi campari,
San Giusippuzzu grapimi la porta
di la speranza e lassami prigari.

O San Giuseppi ascunta sti paroli,
li didicavu a tia cu tutti `u cori,
pruteggi a nantri esseri viventi
aiutani a campari cchiù cuntenti!